Фабио Капелло гэж хэн бэ?

Ойролцоогоор 2 жилийн өмнө Фабио Капелло Арсеналийн бэлтгэлийн талбай дээр анхныхаа бэлтгэлийг Английн шигшээ багтай хийж байсан. Тэр өдөр Английн 30 тоглогч айдас дүүрэн угтаж авч байсан ч хэдхэн минутын дараа тоглогчид ямар ч айдасгүй болсон байсан. Сүүлийн 2 жилд харуулсан амжилт болон дутагдалаас нь харж үзээд Английн Хөлбөмбөгийн Холбоо энэхүү 61 настай өвгөнийг Англичуудын хүсэж байсан өвгөн нь гэдэгт итгэлтэй байна гэж саяхан мэдэгдсэн.

Фабио Капеллогийн анхны багийн ахлагчийг хийж байсан, Фердинандийн гэмтэлээс болоод энэхүү хүндэт үүргийг ахин хийх гэж байгаа Стивэн Жеррард хэлэхдээ "Түүнийг ямар гайхалтай дасгалжуулагч вэ гэдгийг мэдэхэд надад эхний бэлтгэлийн талбай уруу гараад 5 минут л хангалттай байсан. Тэрээр 2 мин гарааны 11-г сонгоод, 3 минут тоглолтын тактикыг ярьж байхад, тэнд байсан 30 тоглогч бүгд түүнд дурласан байсан".

Одоогийн байдлаар Фабио Капеллогийн удирдлаган доорх Английн шигшээ амжилттайгаар ДАШТ-ний 6-р групын эхний багаар шалгарсан. Мөн 10-с 9 тоглолтийг нийт 34 гоал хийж хожжээ.

Багийн ахлагч Стивен Жеррард мөн хэлэхдээ "Тэрээр манай шигшээд том өөрчлөлтүүд хийн одоо байгаа түвшинд хүргэсэнд бид их баяртай байгаа. Фабио Капелло биднийг 32-т оруулсан тэрнээс ч хол хөтлөнө гэдэгт итгэлтэй байгаа. Яг аврага авна гэж хэлэхгүй ч гэсэн аврага авбал тэр бүхэн Фабио Капеллогийн гавъя байх болно".

Тэрээр Английн шигшээг дасгалжуулж байгаа хамгийн их шагнал хүртсэн дасгалжуулагч бөгөөд тэрээр 9 цомыг АС Милан, Реал Мадрид, Жүвентус гэсэн 3 багт байхдаа хожсон байна. Тоглолтыг дундаас нь найруулдаг гэдгээрээ алдартай дасгалжуулагч маань тоглолтыг нэвт харан хэзээ хэнийг ямар үед гаргахуу гэдгээ сайн мэддэг. - Гэдгээс харахад мань хүн байнга Б, В, Г ....... Я хүртэл төлөвлөгөөтэй байдаг нэгэн.

Тэрээр олон жил хадагдсан байсан Английн алдарт 4-4-2 байрлалыг өөрчлөн 4-3-1-2 буюу Стивен Жеррардийг урд хожид хэзээ ч байгаагүй байрлалд тоглуулсан. Словактийг 4-0-оор хожсоны дараа Фабио "Англичууд зүүн жигүүртээ ахиж эмзэглэх хэрэггүй болсон" гэж онгирсон, онгирхоос ч яахав бараг 3 гоал нь Жеррардийн нөлөөтэй. Жеррард-"Фабио намайг нээж өгсөн, миний төсөөлөөч үгүй зүйлийг надаар гайхалтай хийлгэсэн. Миний хамгийн их мэдэж авсан зүйл бол би одоо өөртөө илүү их итгэлтэй болсон". Мөн урьд нь тоож ч хардаггүй байсан Гарэф Барриг гэмтсэнээс биш нэг ч тоглолт алгасуулалгүй тоглуулсан. Франк Лампардыг ард бариад байлгүй чөлөөтэй урагш нь оруулдаг болсон нь мань хүнд их зохиод урьдчилсан тоглолтнуудад 4-н ч гоал хийсэн төдийгүй, мань хүнийг Челсиад хүртэл тэгэж тоглуулах болсон. Мөн Рүүнийг тэрээр гайхалтай ашиглаж байгаа буюу 9 тоглолтонд 9 гоал хийсэн.

Энэ бүх амжилт, дэвшилүүд Фабиогийн чанд хатуу дүрэмийн үр дүнд гарч ирсэн нь түүнд ТӨМӨР НУДАРГА гэдэг хоч хүртэл авчирцаан. "Тэр бол хямдхан тоглоом хийж, орой ганц пайнт пиво уугаад явдаг нэгэн биш" - Стивен Жеррард. Түүний удирдлаганд хоёр ч багт тоголож байсан Фабио Каннаваро - "Айдас хүргэм" гэж тодорхойлж байжээ.

2007 онд Италийн Ла Република сонинд бичсэнээр "Фабио Капелло бол түүхийн хуудаснаас харахад Германы фашист дайны алдарт генерал Франкогийн өрөөсөн дугуй гэсэн буюу. Франко нь удирдлагынхаа бүх цэрэгүүдтэй нэг бүрчлэн уулзаж юу хийх, юу бэлдэх, яаж тулалдахыг нь хэлээд яг тэрийгээ тулаан дээр цэргүүдээсээ нэхдэг нэгэн байжээ". Фабио Капелло мөн адилаар багийн бэлтгэл дээр тоглогч бүрийг яг яаж тоглохыг нь хэлдэг нэгэн. Рүүний - "Яг л солиормоор байдаг, Талбай дээр Фабио намайг нэг байрлалд тавиад 3-н секүндийн дараа бэлтгэлийг зогсоогоод өөр байрлалд тавиад чи энд л зогсох ёстой гэдэг. Сүүлдээ тэр зүгээр л харцаараа бид нарын биеийг хөдөлгөдөг болсон. Бидний хэн нь ч урьд нь ийм дасгалжуулагчтай байгаагүй. Давид-г эс тооцвол". Мөн АС Миланд түүний удирдлаганд тоглодог байсан Marcel Decailly - "Тэрээр зүгээр харахад л би өөрийгөө гүйсэн нь дээр юм байна гэдэгээ мэдэрдэг байсан. Мөн тэрээр тоглолт болгоны дараах бичлэгэн дээр хүн болгоны байрлалаа яаж барьсаныг ярьдаг бөгөөд. Ердөө өөрийнхөө байрлалаас нэгхэн метр холдсон байхад тэрээр чамруу хүн алсан хүн рүү харж байгаа юм шиг л харна".

Тоглолт болгоны өмнө тэрээр талбайн өвөсний уртийг яг 17 милометр болжуу гэж шалгадаг.

Тоглолт болгоны дараах багийн ярилцлаган дээр лазерийн гэрэлээр алдаа гаргасан хүнрүү тусгаад яаж алдсаныг яридаг бөгөөд одоогийн байдлаар Английн шигшээгийн рекорд нь Ливерпүүлийн баруун жигүүрийн хамгаалагч Глен Жонсон 30 минуттай байгаа.

Фабио Капелло хэлэхдээ "Би мөрөөдөгч биш! Би практикт итгэдэг хүн. Миний хувьд манай багт хамгийн чухал зүйл бол хожих, өөр юу ч хамаагүй" Тэрээр тоглогч нарынхаа бүх зүйлийг мэддэг бөгөөд үүний том жишээ нь 2008 оны 9-н сард Хорваттай тоглосон тоглолт дээр тэрээр Давидийг Валкотоор солисон бөгөөд. Англичууд 4-1-р гайхалтай хожсон. Гэсэн хэдий ч сүүлийн 23-н хүндээ Валкотыг аваагүй. Ийм ч учираас тэрээр хэн ямар байна. Хэн яаж тоглож байна гэдгийг нэвт уншдаг нэгэн. Өнгөрсөн 2,5 жилд тэрээр өөрийх нь эсрэг хэнийг ч эсэргүүцэхээргүй болтол нь номхтгож чадсан. Тийм учираас түүний сонгосон 23 хүнийг дуугай л суугаад эвлэр! Эцэст нь би өөрийнхөө шүтээн Стивен Жеррардийг Английн төлөө багийн ахлагчаар эхний болоод магадгүй бараг сүүлийн удаа хийж байгаа дээрээ энэхүү хүндэт цомыг 7 сарын 11-нд толгой дээрээ бариад зогсож байгаасай гэж үнэхээр хүсэж байна.

England fanatic song lyric:

England till I die,

I'm England till I die I know I am

I'm sure I am, I'm England till I die!!!!

Come on England!

Read more...

Scott Pilgrim vs. the World

Сүүлийн хоёр жил Micheal Cera Juno-c авхуулаад Nick and Norah's infinitive playlist хүртэл олон киноных нь дүр бүүр extremely таадагдаад байгаа. Сүүлд гарсан Youth in Revolt бас күүл болсон байсан. Тэгээд дээрээс нь ирэх сар манай атаманы тоглосон Scott Pilgrim vs. the world гээд бүүр тасархай кино гарч байгаа. Kick Ass үзээгүй бол одоо татаад үз, тэгээд энэ кино яг нэг тиймэрхүү л гэхдээ илүү фантастик.
I can't wait to see it.

Аахн нээрээ Come on England!!!


Read more...

A Prophet (2010)

За ойрд юм бичсэнгүй. Угаасаа кино ч үзсэнгүй, Ливерпүүл ч хожигдоод хэрэг алгаа. Киног кино театрт үзэх нь яалтачгүй зөв юм байна. Ялангуяа энд бол бүүр зөв гэхүү дээ. Өчигдөр бүүр өөртөө хүчээр зав гаргаж байгаад энэ киног очиж үзлээ. Миний мэддэг ганц Франц найруулагч Jacques Audiard-н 2002 онд найруулсан Read My Lips гээд драмаас нь хойших ганц гаргаж байгаа кино нь юмлдаа. 12 номинацаас 8 шагнал аль хэдийн авсаныг харахад энэ жил европоор нилээн шуугиулах шинжтэй бүтээл болчихожээ. Би гэж нэг юм бас яаж дутахав хэдэн юм бичнээ.

Аймар халуун театр байсан ч гэсэн өөрийн эрхгүй энэ киног үзээд аймар даарсан, дуусах үед нь бага зэрэг л дулаацсан боловч гадаа гараад ахиад л даарцан. Францын хар тал, хар ч гэждээ ер нь энэ том улсууд кинон дээр бүх сайхан юмаа харуулдагаас биш үнэндээ бол том хотууд яг энэ кинон дээр гардаг шиг л бохир, заваан, айдсаар дүүрэн байдаг юм шиг. Хамгийн гол нь мань хүмүүс шоронгийн байдалаас нэг азтай араб залуу яаж өөртөө хэрэгтэй зүйлийг олж авч байгааг харуулсан. Сонин бүүр нээх сонин, бусад киноноос нээх аваад байдаггүй мэдрэмж авлаа: бүх киноны туршид үзэн ядсан дүрээ кино дуусахын өмнөхөн би аймар их өрөвдөх ч гэхиймүү. Жүжиглэлт, зураг авалт, найруулага бүх юм нь таалагдсан. Ганц хэцүү юм нь франц хэл дээр, тэгээд subtitle уншихын хажуугаар юу болоод байгааг харах гэж хэт хичээсэнээс болоод зарим нэг инээдтэй хэсэгийг огт ойлгохгүй өнгрөөлөө. Гэхдээ дахиад үзнээ ахиад үзсэн ч харамсахааргүй гоё байна гэдэгт итгэлтэй байна. Энэ жил заавал үзэх киноны жагсаалтандаа оруулаарай.

Read more...

The Cove (2009)

Бид нар хуулийх нь дагуу хийх гэж оролдсон! Гэж эхлэхээсээ л миний анхаарлыг бүрэн татаж эхэлсэн бас нэг сонирхолтой, сургамжтай бас нийгэмрүү хандсан хүчтэй documentary байлаа. MJ-н This is it-ээс хойш нэг documentary үзий гэж бодож бодож санаандгүй энийг татаад үзсэн чинь Ёооооооё,... гайхалтай. Би лав шууд 10/10 өгхөөр кино байна.
Ерөнхийдөө нэг хэдэн далайд, тэр дундаа делфинд хайртай хэсэг хүмүүс нийлэн Японы Таяжи гээд жижигхэн хотын жоохон хавцал дээр байдаг загасчидтай тэмцэж байгаагаар гардаг бөгөөд миний бичсэн шиг уйтгартай биш шүү.

Ер нь хамаг юмыг эхлүүлж байгаа залуу нь Richard O’Barry бөгөөд тэр 60-д онд гардаг байсан Flipper хэмээх цуврал киноны гол баатарт тоглохын тулд нэг делфин барин тэрийгээ сургажил дээ. Тэгсэн энэ цуврал нь дэлхий даяар асар алдартай болчихож, ингээд л нөгөө хэний ч тоодгүй байсан делфинүүд хаа газар асар эрэлттэй болчихсоноос болоод мөн нөгөө бариж кинонд тоглуулсан делфин нь, мань хүний гар дээр сэлж ирээд нэг том амьсгаа аваад ахиад амьсгаа авалгүй амиа хорлосон гэсэн,(Амиа хорлож байна гэхээр бас л ухаантай амьтан байгааз?) Richard өөрийгөө үүнд буруутган тэр өдөр тэр цирк шиг үзүүлэнд байсан бүх делфинийг суллаж, түүнээс хойш хаана л хоригдож байгаа бүх делфинийг сулласаар ирсэн гэнээ.
Тэгээд энэ кинон дээрээс нэг сонин мессеж авлаа л даа. Япончууд халим, делфин агнахын тулд олон улсын нэг тийм IWC (International Whaling Commission) коммисс байдгийн байна. Тэгээд тэрэнд нь байдаг ихэнхи улсууд Японы хэт их загасчлалыг эсэргүүцсэн юм байна л даа. Тэгсэн мань гарууд шууд ямар ч далаагүй бүүр халим гэж ямар амьтан байдгийг ч мэдэхгүй улсуудаас элсүүлэн оруулж, мөнгөөр зодон өөрсөндөө санал авдаг байсаныг нь манай талын хүмүүс олжил дээ. (Хэхэ манай тал гэхээр гоё байдгын) Тэгсэн нөгөө орнууд дунд юу байсан гээч? Монголын туг байгаа байхгүй юу!!! Үхсэн элэнчгий чинь халимний нийгэмлэг вэ? Шал худлаа байхгүй юу!!! Нэг нөхөр л ард нь тэр хахуулийн мөнгийг идээд л сууж байгаа.
За за тэгээд заавал үзээрэй! Ганц халим ч биш ер нь байгаль, амьтанд бид нар яаж хандаж байгаагийн өчүүхэн жижигхэн л хэсэг нь гэж бодохоор нөгөө 2012 онд дэлхий сөнөхгүй гээд яах юм бэ? Найруулагч Roland Emmerich 2012-г зүгээр л та нарт адал явдал харуулах гэж хийсиймуу? Хөөрхий амьтан насаараа л дэлхийн сүйрлийн талаар Independence Day, гэсэн кинонууд бид нарын толгойнд юм бодуулах гэж хийлээшд. Тэгсэн тэр мессежийг нь 1000-н дотор хүн л мэдээд байгаа байгаа байхгүй юу. Хөөрхий хүн төрлөхтөн мөхөхөө тулаад ирэхээр амаа барих нь дээ.
Аахн нээрээ сануулахад энэ маягаараа хүмүүс загас идвэл 30 жилийн дараа ямарч загасгүй болно гэсэн. Бусад юм ч бас хэмжээ хязгаартай л байх.

Read more...

Public Enemies (2009)

Wow, Johnny Depp гэхээр л гоё санагдаад байсан байхгүй юу... Ямар их хүлээсэн гэж бодноо. Тэгсэн тийм магтаад байхаар сайхан кино биш л байна. Яахав дээ үзээд дуусахад дэмий цаг алдсан санагдахгүй ч гэсэн нэг тийм DEPP кино байсангүйээ.

Яаж ч бодсон гэсэн John Dillinger ийм сайн хүн байгаагүй гэлээ ч гэсэн найруулагч Micheal Mann, мань хүнийг манай тал болгоод цагдаа нарыг дайсан болгочиж байгаамдаа. Нээлтээ хийхээсээ өмнө нэг жилийн өмнөөс trailer гарцан болохоор John Dillinger-н талаар судалж үзлээ. Dillinger буюу Snake Eyes хочтой Chicago-н номер нэг гангстер маань ясны дээрэмчин байсан бөгөөд шоронгоос оргоод 4 хоног эхнэрлүүгээ явах замдаа 5 банк дээрэмдчихэж байх жишээтэй. Эцэст нь кино театрын үүдэнд цагдаа нарт буудуулж үхсэн гэдгийг мэдэж байсан хэдий ч, найруулагч Mann арай ч алчихгүй байлгүй дээ, эсвэл арай өөрчилсөн байлгүй дээ гэж гөлийсөөр байтал 140 минут дуусчиханэлээ. За юутай ч хайр дурлал энэ тэрээр нөгөө уйлуулах гээд байдаг утас хөндсөн бас дажгүй адал явдалтай кино байлаа.
Аахн нээрээ надад энэ Digital Film гээд хальсны бичлэг ерөөсөө таалагдахгүй байнаааа. Кино хийж байгаа нөхдүүдэд их амар л бас их хямд тусдаг л гэсэн гэхдээ ямар ч өө сэвгүй HD бичлэгээр 30-аад оны гангстерууд байлдахыг харах ямар тэнэг гэж санана! За за тэгээд өөрөө үзэхээрээ мэдэрнээ та...

Read more...

500 Days of Summer (2009)

Энэ жил ямарч их инээдмийн кино гарч байна даа. Ядаж байхад бүгдээрээ аягүй үзүүштэй юм. Магадгүй юм хөгжихийн эрхэнд бүх юм хөгжөөд удахгүй бүгдээрээ төгс болно биз.
Найруулагч Marc Webb-н хийсэн хамгийн сайн кино бөгөөд мань хүн тэр бүтэлгүй бүтээлүүдийн ардаас яаж ийм сайн бүтээл хийсэнийг мэдэхгүй юм.
Marc нэг тийм British маягийн инээдмийн кино хийх гэж оролдсон боловч Америк үнэртэжил байналээ. Гэхдээ л зарим нэг кинонд хутга шаасан үзэгдэлүүд харагдаж байсаныг эс тооцвол тийм ч доогуур лав орохгүйээ. Ялангуяа тэр бүжиглээд байдаг хэсэг үнэн алиа болгоцон. Тэгээд нэмээд хэлэхэд энэ киноны саундтрак нь аймар өөд нь татцан. Regina Spector, Feist, Temper temper temper trap гээл сүүлийн үед UK chart-д алаад байгаа бүх л дуу байна лээ. Хамгийн их таалагдсан хэсэг нь мань хүн дээвэр дээр Summer-н гарлуу хардаг, бас улирал солигдож Autumn эхэлж байгаа.
Надад ядаж байхад нэг ийм юм тохиолдож байсан болохоор бүүр нэг тийм ойрхон санагдаад шимтэж үзсэн маань нөлөөлсөн үү 10-с 9 оноо өгчихлөө. Аааа ер нь бид нарт бүгдэд нь л тохиолдсышдээ.
Мартсанаас гол дүрийн чулуун зүрхтэй, амиа хичээсэн Summer-н дүрийг хийсэн Zooey Deschanel юун Regina, Feist нараас дутахааргүй дуулдаг мөртөлөө кинондоо ганц ч дуу хийгээгүйгээрээ Byonce эд нараас лаг өөрийгөө ялгаж өгсөн юм шиг санагдсан. Дуунаас нь заавал сонсоорой аягүй хөөрхөн.


Read more...

This is it (2009)

Би тийм ч их Documentary үзээгүй л дээ гэхдээ энэ миний үзсэн хамгийн сонирхолтой documentary байлаа. MJ-ы нээх тийм том фен биш мөртлөө үзэж дуусангуутаа подруугаа дуунуудаас нь хуулаад сууж байгаа юм чинь, фен хүмүүст нь бүүр илүү таалагдана гэдэгт итгэлтэй байна. Энэ киноны зураг авалтыг мань хүний аялан тоглолтын эцсийн зогсоол болох Лондонд болох байсан THIS IS IT тоглолтын бэлтгэл дээр хийсэн байсан болохоор мань хүн аль болох өөрийгөө ядраалгүй бүжиглэж дуулж байсан хэдий ч бишрэмээр санагдаж байсан. MJ-н талаар би энэ киног үзээд ганц л ойлголт авсан маань MJ бид нарын амьсгалж, унтдаг шиг төрлөхийн хөгжим, бүжгийн авъяас чадвартай төрсөн юм байналээ. Хамгийн их сэтгэл хөдөлгөсөн хэсэг нь бэлтгэл дуусах үед мань хүн болоод This is it-ийг амьдаар үзэж, ажилаа хийж байсан барилгачид, бүжигчид, тайзны ард ажилладаг хүмүүсийн хамт тэврэлдээд талхаралаа илэрхийлж байгаа нь, яг л нэг үхэхээ мэдэж байгаа мэт. За за тэгээд та бүхэн өөрсдөө үзнэ биз дээ. Ямартай ч найруулагч Kenny Ortega-д MJ-н сүүлийн удаа мэдрүүлэх гээд чадалгүй өнгөрсөнийг documentary-гаар дэлхий нийтэд үзүүлсэнд талархалаа.
Rest In Peace

Read more...